甘為霖《廈門音新字典》序文

THAÛ-SŪ

In-ui chit ê jī-tián ū chha-put-to chit-bān gōo-chheng koh-iūⁿ ê Hàn-bûn jī, múi ji ê kóe-seh put-tek-í tio̍h khah kán-siá, m̄-ku i ê ì-kiàn sī kàu-gia̍h bēng hō͘ lâng chai kok jī thang chòe sím-mi̍h tú-hó ê lô͘-ēng.

Chia ê pe̍h-ōe jī thàn lán Sèng-keng ê jī-hoat, chiū-sī iōng ch jī kap ts jī lâi hun-pia̍t nn̄g khoán ê kháu-im; ch tī e kap i jī ê thâu-chêng, ts tī a, ng, o, o͘, kap u jī ê thâu-chêng, chhin-chhiūⁿ; CHE, cheh, chek, cheng; chi, chia, chiah, chiam, chian, chiang, chiap, chiat, chiau, chiauh, chih, chim, chin,chio, chioh, chiok, chiong, chip, chit, chiu, chiuh: TSA, tsah, tsai, tsak, tsam, tsan, tsang, tsap, tsat, tsau, tsauh; tsng; tso, tso͘, tsoa, tsoah, tsoan, tsoat, tsoe, tsoeh, tsong; tsu, tsuh, tsui, tsun, tsut.

Pún jī-tián iā sī thàn Sèng-keng thó͘-im ê iūⁿ, in-ūi Chiang-Tsoân-Tâi, sui-jiân ū chōe-chōe khiuⁿ, lán beh inchheh, tsū-jiân tio̍h tè hit-hō khah thong-hêng ê thó͘-im sòa hō͘ lâng tha̍k ê sî-chūn chhut-chāi i lâi ho͘. Au-lô-pa chiu ê kok kap Tāi bí-kok ê lâng sī chiàu án-ni lâi kiâⁿ.

Góa sì-cha̍p gōa nî chêng, kàu Tâi-oân ê sî, lóng bô chi̍t-hō ê jī-tián, iā lóng bô chai-iáⁿ ê sian-siⁿ tī-teh; só͘-í góa kín lâi chhut-la̍t, tōa ǹg-bāng chejī-tián ōe pang-chō͘ chōe-chōe lâng bat jī chiah khah ōe hiáu chīn pún-hūn.

In-ūi Tâi-lâm kàu-hōe sio̍k ê ha̍k-seng Lî Kim-seng i-ki̍p Tân Tōa-lô kap góa tàu chòe chit ê kang-tiâⁿ, lán tio̍h kā in seh to-siā.

Kam Ûi-lîm

——————————————————————————————

頭序


因為此個字典差不多壹萬伍仟各樣的漢文字，每字的解釋不得已著較簡寫，不過伊的已經夠額明，給人知各字可做甚麼剛好的路用。

諸的白話字是趁咱聖經的字法，就是用 ch字及 ts字來分別二款的口音；ch 佇 e 及 i 字的頭前， ts 佇 a, ng, o, o͘, 及 u 字的頭前，親像：CHE、cheh、chek、cheng；chi、chia、chiah、chiam、chian、chiang、chiap、chiat、chiau、chiauh、chih、chim、chin、chio、chioh、chiok、chiong、chip、chit、chiu、chiuh：TSA、tsah、tsai、tsak、tsam、tsan、tsang、tsap、tsat、tsau、tsauh；tsng；tso、tso͘、tsoa、tsoah、tsoan、tsoat、tsoe、tsoeh、tsong；tsu、tsuh、tsui、tsun、tsut。

本字典也是趁聖經土音的樣，因為漳、泉、台，雖然有多多腔，咱欲印冊，自然著隨彼號較通行的土音，續互人讀的時陣出在伊來呼。歐羅巴洲的國及大美國的人是找按呢來行。

我四十多年前，到台灣的時，攏無此號字典，也攏無知影的先生佇啲；所以我緊來出力，大盼望這字典會幫助多多人識字，即較會曉盡本分。

因為台南教會屬的學生林金生以及陳大鑼和我到做此的工程，咱著給亻因多謝。

甘為霖

※ 以上均為原文用字 ※